صلة منتطرة الصلة

سالت نفسي ليه الدنيا خدت الناس
مابقاش حد فيها بيهتم بالمشاعر والاحساس
عادي يعني لو فضلت يوم يومين سنة سنتين
من غير ما اشوف اخويا اوحتي امي وابويا
اصلي خلاص اتجوزت ودي سنة الحياة
وبقيت مشغول علي طول مش فاضي حتي اقول اه
هابقي فاضي اشوف حد
ده شئ صعب بجد
ولا حتي تكلمه في التليفون
بس ياعم انت مجنون
ده انا زمان كنت عايش معاهم في نفس البيت
 وكنت حاسس بالغربةبجد ولا صبحت عليهم ولا مسيت
اجي دلوقتي اقول اشوفهم واهتم بيهم وافكر
طب بامارة ايه وايه اللي يخليني اتاثر
ما تحاولش تقنعني بحاجة انت نفسك مابتعملهاش
وكفاية بقي سذاجة واسكت بقي وماتقرفناش
مش ها تبقي انت وضميري اللي علي طول يقولي
لوما سالتش علي امي وابويا يبقي مين فاضللي
وانا عمال ادييه في مسكنات واقوله حاضر وطيب
ومر الوقت بي وفات وبعدت بعد ما كنت قريب
   ودي مشكلة بجد كبيرة معطم الناس بتقع فيها
بس احب اقولك ان سؤالك عن اهلك بالدنيا وما فيها
   حرام عليك تضيع فرصة وجودك في الدنيا
 ده محدش ضامن يفضل علي ضهرهالو ثانية
ما تقلش شغلي وولادي
اهم عندي من السؤال دي صلة الرحم عليك هتنادي
يوم لا ينفع مال ولا بنون
اللي انت بيهم كنت مفتون
ونسيت اقرب الناس ليك
الحق وقتك ربنا يهديك 

سوق الشباب

سمعنا زمان عن سوق العصر
سوق الزلط اوحتي سوق الجواري
بس دلوقتي موجود في مصر
سوق جديد من  نوع تاني
سوق الشباب اللي بتدور
علي فرصة عمل وجوازة
ياتري كان حد يتصور
ان الحلم يبقي سذاجة
هو ده ذنب مين
ان الحلم ما بيتحققش
وكانهم مجانين
وحلمهم كبير ما يتصدقش
هو كتير عليهم بيت
وشغلانة ومهية
ولا اخبطوا راسكم في الحيط
وقدامكم الهجرة غير الشرعية
تسافروا تشتغلوا او تغرقوا
وتروح حياتكم في ثانية
مش مهم حتي تصدقوا
ده ما فيش من وجودكم فايدة
بالذمة مش حرام
تتحول طاقتهم لشيشة
ويفضلوا يعيدوا في كلام
لحد ميعاد الفوركيشة
ياجماعة مين المسئول
عن كل اللي احنا فيه
ياريت حد يقول
لشبابنا يعمل ايه

الاراجوز

 عشنا حياتنا كتير وكتير

واحنا مربوطين بخيوط

ومقضينها في صراع مرير

ومحدش فينا مبسوط

عايشين زي الاراجوز

بيردد كلام غيره

واللي بيتكلبه الفوز

بنعيش ماسكين في ديله

واهي ساقية وبتلف

وكلنا بندور فيها

ولا دموعنا فيها بتجف

ولا قادرين علي بلاويها

واما في يوم قررنا نثور

قدام كل الناس نجحنا

وكمان عدلنا الدستور

بس خسارة زودنا جراحنا

مواصلاتنا زي ما هيه

ولا العيشة والمهية

اما شوية الحرامية

هما اللي عاشوا عيشة هنية

وبعيدها قلنا الحل

اننا نعمل مظاهرات

بدال ما نرضي بالذل

ونعيش في السكات

بس دي مش حلول

ده كله من الغباء

مش زمان سبنا الفلول

وقلنا عشيتنا دلوقتي الرجاء

الحل اننا نرجع

لزمن عمر بن الخطاب

مش مجرد عايشين نسمع

لكلمتين في خطاب

والعفل منها مافيش

 وبقينا شبه الدراويش

الحل مش في شيل الريس

الحل نقول طالبتنا

والله نفذ يبقي كويس

ما نفذش نغير حسابتنا

نشيله ونجيب واحد

يبقي حاسس بينا

يكون علي جراحنا شاهد

كل همه يزيل بلاوين

 

سلاح مسالم

اسمعوني وما تتخضوش
قربوا مني وما تبعدوش
انا صحيح معايا سلاح
بس مش للموت والجراح
انا سلاحي سعادة للكل
تعالي بص عليه وطل
سلاح هايفضل موجود
لانه مع الانسان مولود
يعني عمره من عمرك
شركك حلوك ومرك
ياتري عرفته لوحدك
ولا لسه عايزني اساعدك
ممكن اقولك عنه حاجة
دلوقتي بيتفال عليه سذاجة
بس حقيقته انه للناس
رمز لكل احساس
ها اقولك واكسب فيك ثواب
من غير تعب ولا عذاب
سلاحي من  تلت حروف
بيحارب الندم والخوف
سلاحي هو الخير
لنفسك وللغير

انا انسان

انا اللي لف كتير يدور عايز يعرف هو مين وفي النهاية قرر انه واحد من البني ادمين اللي عايشين مرات فرحانين وكتيييييييييير قوي زعلانين وتسال ليه مش فاهمين انا اللي ابتسامته بتخرج دايما مجروحة مش كاملة كانها شبح ابتسامة ولو اتشافت تبقي مش ملموحة من كتر ما بتداري وراها كابة انا اللي مهما عاش حاسس بالحرمان وكان عمره راح بلاش وهو مستني لحظة حنان انا حاجات كتير ملغبطة ومش مفهومة واحاسيس مش متظبطة وصرخات مكتومة انا

اللي مرات طاير بفرحه فوق السما وساعات ما ببقاش عارف مين انا انا حتة  من كل                                                                                 

حاجة حتة من الفرحة نفسها تلاقيها مكان وحتة من الصرخة اللي بتسكن جوه الانسان وحتة رايحة تستقبل في اللي حاي من الزمااااان انا كل دوووووووووول وحاجات اكتر كمااااااان ومهما تقول قول اصل هو ده الانسان دايما

بيعيش ويموت مش عارف يصنف نفسه وتليقيه بيعيش ويموت ومهما اتكلم ولا عارق يوصف نفسه

                                                                                      

ناس لا تنسي

وقفت وقفة مع نفسي
ولقيت ناس تستحق تعظيم سلام
ولو ها اقول كل اللي في نفسي
منين هالاقي كلام
كل امل في حياتي
كانوا هما السبب فيه
هما مصدر ابتسامتي
هما الكون باللي فيه
ابسط حاجة اعمالهالهم
هي عرفاني بالجميل
وحاجة احب اقولهالهم
انتوا كل شئ جميل
اتوصف بالكلام
اوعجز عن وصفه اللسان
انتوا احلي ما في الايام
انتوا مكسب الزمان

تحت الضغط

يولد الضغط الانفجار ,وقد يرتكب الانسان العديد من الجرائم والاخطاء  تحت الضغط,وربما لا يعلم البعض الفرق بين الخطأ والجريمة فكل جريمة خطأ وليس كل خطأ جريمة او بتعبير ادق هناك اخطاء تكون جرائم ولكن لا يعاقب عليها القانون كعقوق الوالدين مثلافهو جطأ وهو ايضا جريمة ولكن لا يعاقب عليها القانون  بل عقابها عند الله عز وجل .
والان هيا بنا تنحدث عما يمكن ان يفعله الانسان تحت الضغط  اذا زاد الضغط علي الانسان في موضوع ما من الاصدقاء ,من الاسرة ,الخ قد يخطأ فمثلا اذا كانت الاسرة ضاغطة علي ابنائها بعبارات ممنوع الخروح,افعل ما اري فان ما اري فيه صالح لك دون نقاش,التدخل في المستقبل والتخطيط له ,اختيار الوظيفة التي سيعمل بها ,اختيار الدراسة التي يدرسها وغير ذلك كثير .
وفي هذه الحالة لا يجد الابناء امامهم سوي حل من اثنين ,اما ان يلغي شخصيته ويصبح مجرد ظل لاسرته ورغباتها ويفعل ما تطلبه منه دون ا قتناع ,او يتمرد علي ذلك كله  ويفعل ما يراه , والتمرد مطلوب احيانا ,ولكنه يؤدي الي الكثير من المشكلات ,فعندما يخرج الابناء من ضغط الاباء تكون لديه رغبة مكبوتة في فعل كل المجذورات التي فرضت عليه من قبل بل واكثر من ذلك  وخاصة اذا كانوا الابناء صغارالسن,كالتعرف علي اصدقاء السوء والتاثر بهم ثم الوصول الي كم الكوارث التي تحدث جراء ذلك,والتي علي راسها المخدرات.لذلك علي الابناء ان يتوسطوا في كل شئ فطاعة الاباء فرض وواجب ,ولكن دون ان تخسر  شخصيتك فتصبح مجرد تابع لهم وتنقل ذلك لابنائك فيصبحوا هم الاخرين تابعين  وهكذا فالضغط الزائد اسلوب غير تربوي  ولا ينصح بيه في التربية اساسا لانه يخلق اشخاص غير اسوياء ومرضي نفسيين و النصيحة التي ينصح بيها لالاباء لا تضغطوا علي ابنائكم الا في حالات الضرورة القصوي حتي لا ينفجروا ولالابناء فكر في نصائح الاباء واذا كانت  مناسبة لك نفذها مع الا حتفاظ بشخصيتك حتي تصبح فرد  سعيد يحيا في اسرة سعيدة  مترابطة